[size=24]صرخت مروة صرخه مدويه اجتمع من بالصاله حولها وظلت تصرخ فارس فارس رد فارس رد فارس
لكن ضاعت الصرخات وامسك والد مروه الموبايل الوو الو
لكن ندائه غلفه الصمت من الطرف الاخر
وصاحت مروة بابا فيه ايه فارس اتقتل
انشاء الله خير انا رايح اشوف فيه ايه
خدنى معاك
خليكى هنامينفعش تجى
ابدا لازم اج وانخرطن فى بكاء مرير
واتت تمها فى محاله لتخفيف وقع المصيبه على ابنتها
وقالت والاب يهم يالخروج حد اتصل بالبوليس
معرفش
لازم يتم الاتصال بالبوليس والاسعاف بسرعه
وما هى الا دقائق معدوده حتى تمت الاتصالات مع التشديد على الجهات باتخاذ الازم بل والاتصال بالمسئولين للمتابعه
وحينما اسرع الاب بالخروج كان يتبعه رجال يحروسونه فى خطواته بينما كانت الام وابنتها تهمان بمغادره القصر فى حراسه تم استدعائها بعجاله وما لبثت ان اتصلت الام بمى صديقه ابنتها المنهاره
تسألها عما حدث
لسه كنت حتصل بيكم الموضوع الحمد لله متخفوش وفارس دلوقتى فى مستشفى عين شمس التخصصى
وخطفت مروة الموبايل من امها وقد دبت فى وجنتيها الدماء ايوة مى طمنينى
ايه ابنتى اطمنى على الاخر
انا حقبلك عند المستشفى ومتخفيش الاصابه ربنا ستر فيها واحد من رجاله فارس ادخل فى الوقت المناسب جه يمنع عصام من ضرب الرصاص ملحقش بس قدر يدفع ايده والرصاصه جت فى كتف البطل
انا رايحه هناك يا مى لازم اطمن عليه
اوكيه
بس حيكون فى العمليات
ولو هستناه متشكر مى
انا شويه وجيلك على هناك
اوكيه
واخذت سياره الام وابنتها منعطف اخر خلاف طريق الاب .وشقت طرق القاهره المزدحمه فى بطء شديد لتمضى اللحظات والدقائق عسيره على الابنه
واخيرا تصل السياره فلا تكاد تتوقف حتى تشق الفتاه الطريق دون انتظار لامها كانت لهفه بها اصعب عليها من الانتظار المميت
جرت تخطو الدرجات لا تستجيب لمن يستمهلها والام خلفها تلهث من اجل الاطمئنان على ابنتها خوفا عليها من الصدمات
واخير لا مفر من الوقوف خارج غرفه العمايات ويستدعون الاطباء والكل يؤكد ان الامور طبيعيه
لكن هيهات لهما ان يتذوقا الراحه قبل ان يشاهدا فارس يخرج من الغرفه وقد غير البنج لونه وشحب وجهه من نزيف الدماء التى سالت منه
وصاحت الام مروة انتى اتصلتى باهله
لاء
معقول اتصلى بسرعه
والتقت الحبيبه بحبيها الغائب عن الوعى وهمست وهى تدنو من اذنه جننتينى عليك فارس
وطبعت اولى قبلاتها على جبينه ليرصد والدها حركاتها فيهمس
لا كده لازم نجوزهولك من بكره
انا معنديش بنات تعمل كده
ولا ايه يا حاجه
ويفتح فارس عينيه ويلتفت يمينه ويساره ويسال نفسه وهو يعود ليغمض عيناه
ترى اصنع كل هذا الحب طموحه وغروره ام حبه وسمو نفسه
لقد ظلت تلاجابه معلقه حتى يفيق
تمت[/size]

اكثر ما يلفتني في القصه هو الاسلوب الراقي والراقي جدا جدا اسلوب روعه تعابير تشد قارئها تفاصيل بوصف تام بكل الاحاسيس لدى الشخصيات تعبر عن كل شخصيه وما تملك من احساس تجاه الاخر اتخيل دايما الشخصيات كانها حقيقه اتابع بكل شغف وبانتضار دائم
دمت بكل الخير والعطاء والى المزيد من الروعه والعطاء
تحياتي

اشكرك بشده للمتابعه وارجو الافاده منها
فما طار عصفور وارتفع الا كما طار وقع ومحال ان يبغى الانسان الفساد فى الارض ولا ياخذه الله اخذ عزيز مقتدر

شكرا ليكم ولمروركم العطر بجد حسيت بمتعه من متابعتكم لاحداث القصه وكنت بفكر ابتعد عن الكتابه لكنى بظن انى هعاودمن جديد

هذا بس ....تذكييييييير .....كمل القصه...لا تضحك عالقارئ ....مستنيين ال24

القصه تهدف لمعنى جميل جدا وبتكتب بطريقه شيقه جدا جعلنى اعيش الاحداث انت كاتب رائع

اسرار بجد خلصتها وفى بالى قصه تانيه بس اه من قله القراء
بس ظهور حنا ومتابعتها شىء لوحده ممتع
مين عارف جايز اكتب تانى