منتديات هدهد
السلام عليكم ورحمة الله وبركاته
أهلا بكـ زائرنا الكريم
نتمنى لك زيارة طيبة
ونتمنى ان نراك مرة اخرى
لاتحرمنا من التسجيل والمشاركه معنا

منتديات هدهد


 
الرئيسيةالبوابةالتسجيلدخول

شاطر | 
 

 انتصار8

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ashour20008
مشرف قسم
مشرف قسم
avatar

ذكر
المشـاركات : 1323
مـزاجى :
مـهنتى :
هـوايتـي :
الأوسمـة :
تاريخ التسجيل : 02/09/2008
الساعة :

مُساهمةموضوع: انتصار8   الثلاثاء يونيو 03, 2014 8:53 pm

تصدق لو قلتلك انى كلفت الواد مشمش يراقبه خطوة بخطوة
اها
ابدا الواد بعد مدة من مراقبته بيقولى ان سيد بينزل بالفلوكه الصغبرة البحر كل اسبوع يصتطاد..بيغيب من خمس لست ساعات جوة البحروبيرجع زى اى صياد بيكون معاه شويه سمك
وانت عارف انه غاوى صيد بالصنارة والحداف وملهوش فى شغل  الشبك والمراكب بتاعنا وانا برضه كنت بلاحظ ان اليوم اللى بينزل اليحر فيه بتكون وجيتنا تانى بوم فى البيت من سمك سيد يعنى مقدرش اقول حاجه
المهم لما بيرجع على الضهر بيرجع على البيت.تقدر تقول من البحر للبيت فى اليوم ده
وانت عارف بينزل يقعد فى قهوة الوردانى كل يوم..لحد نص الليل وتلاقيه نازل طلبات ومشاريب على حسابه او معزوم على حساب صحابه..وعرفت انه واخوه بيشربوا حشيش الواد مشمش اول ما قالى الخبر ده مكنتش مصدق لكنى بالصدفه شفت حته حشيش معاهم ودا مجننى.ومن يومها كل يوم انصحهم مفيش فايدة.رينا يهديهم بقا..
تحب اكلمهم يا حاج
لا يا سيد خليك بعيد فى الموضوع دا محدش حيسمع كلامك وكلمتك مش حتعجبهم جايز حد يرد عليك بكلمه كدا  ولا كدا
المهم اللى عرفته من مشمش ان سيد واخوه ملهمش فى لعب الضمنه ولا الكوتشينه على مشاريب دول بيرفضوا حتى انهم يشربوا طلبات الخاسر فى الضمنه بيقولوا ان دا قمار وبصراحه الكلام دا عجبنى فيهم واللى عجبنى اكتر ان ملهومش فى مشى الستات والنجاسه ديه..حتى الصلاة بيحافظوا عليها
يا حاج ولادك بسم الله مشاء الله عارفين حق ربنا
تقصد عشان الصلاة يا ابنى الصلاة مش كل حاجه الدين المعامله واللى شفته منهم وهما واقفين ضد حسين حسسنى بالخوف عليك
ليه يا حاج  دنا وولادك زى الاخوات
بس انتصار يا بنى وانتا  اكثر من ولادى ويعلم الله انا بعزك قد ايه
ربنا يعلم اللى فى القلوب يا حاج
بكلمك بكل امانه يا رجب لازم تكون شديد خلى ليك شخصيه مستقله بلاش تبقى زى محسن جوز امال ولا فى شخصبه حسين امسك العصى من الوسط
انتصار فى عينى يا حاج متعرفش منزلتها قد ايه فى قلبى
دا اللى مخوفنى هى دايما تشتكى للحاجه منك وانا بحاول الم المواضيع ووعدت الحاجه انى اكلمك
ونظر رجب للحاج فى ايه يا حاج اكلم بصراحه
انا محبش تزعل من كلامى با رجب الدين يا بنى النصيحه ونت زى ما قلتلك فى منزله ولادى
ايوة با حاج اكلم بصراحه انتصار بتشتكى ليه منى
بص يا بنى لازم الواحد منا يهتم بمظهرة وهدومه لازم زوجته تشوفه فى اجمل منظر.بلاش تفضل فى البيت بلبس الشغل
ولازم تحاول تضيع ريحه الظفارة من جسمك انت عارف انها كانت حامل ومش طايقه الريحه وانت واخد الامر عادى
ولازم تعرف ان من حق الزوج ان برى جمال المرأه وتتزين عشانه وهى برضه دا حقها لازم تعود نفسك تستخدم عطر تخليها تشم منك ريحه زكيه ان الله جميل يا بنى يحب الجمال..لازم تعودها الدلع هى مش عايشه فى البيت لوحدها
اسلامنا علمنا ازاى نعامل الست لازم نقبلها ندلعها فى مقدمات يا رجب
انت فاهم اقصد ايه
ايوة يا حاج بس
اتمنى انك تفهمنى وتغير معاملتك لزوجتك وقت الدلع خليه دلع ووقت الشدة خليك راجل  اوعى تتكسر لمرة
مش حتعرف ترفع بعد كده عينك انا بقولك الكلام ده وعارف انها بنتى بس انت برضه ابنى
حاضر يا حاج
ماشى يا رجب جهز نفسك بكرة
ليه يا حاج

يتبع




الرجوع الى أعلى الصفحة اذهب الى الأسفل
 
انتصار8
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات هدهد :: 
.::المـمـلكـه الثقافية::.
 :: 

@ إبداعات الأعضاء @

-
انتقل الى: