منتديات هدهد
السلام عليكم ورحمة الله وبركاته
أهلا بكـ زائرنا الكريم
نتمنى لك زيارة طيبة
ونتمنى ان نراك مرة اخرى
لاتحرمنا من التسجيل والمشاركه معنا

منتديات هدهد


 
الرئيسيةالبوابةالتسجيلدخول

شاطر | 
 

 انتصار9

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ashour20008
مشرف قسم
مشرف قسم
avatar

ذكر
المشـاركات : 1323
مـزاجى :
مـهنتى :
هـوايتـي :
الأوسمـة :
تاريخ التسجيل : 02/09/2008
الساعة :

مُساهمةموضوع: انتصار9   الأربعاء يونيو 04, 2014 4:35 pm

انت نسيت اننا لازم نلحق قطفه البحر من الشعور والكشرى ولا خلاص الاولاد نسوك الشغل
ابدا يا حاج انا جاهز من بكرة اصلى الفجر وافوت عليك
شقت السفينه طريقها وسط الموج الهادى تتمايل يمنه ويسار نأرجها موجه قادمه لتستقر بعدهاوتسير الهوينا..وكانت السماء صافيه مع نسيم هواء يلطف  من حرارة شهر ابريل بينما تابعت بعض الطيورالمركب لتعلو الصارى احيانا او تهبط لسطح
المركب تيحث عما تقتات منه من بقايا طعام الصيادين..ووقف المعلم خضر يتمتع بالمنظر وانعكاس الشمس على صفحه الماء مخلفه معها قوس قزح بديع الالوان كانت عيناه تتنقل ما بين الماء والطيور وهو يردد سيحان من وهب لتلك الطيور رزقها فى جوف البحار وبين الشطان.واستاذن رجب من معلمه ليستريح..وهبط الى باطن المركب ليمدد جسدة فوق صندوقين قد امتلاء بخزين الصيادين.
واقترب مشمش من المعلم خضر ايه يا معلمى مفيش حد من اولادك جه معاك ليه
مش عارف اقولك ايه بس سيد حجته معاه بيقول جايز حسين يقل باصله وبخالف الاتفاق ومفيش راجل يقف قصاده فلازم يكون جنب اخواته البنات وانت عارف رحلتنا المرادى مطوله ناوى اسرح لفوق عايزين نعوض نومتنا فى البر ونحلل لقمتنا يا واد.
طب وخالد يا معلمى ايه حجته هو راخر
بيقول تعبت من الرحله اللى فاتت.وعنده استدعا فى الجيش ميقدرشى يتاخر عنه.
امال رجب راح فين يا معلم
سيبه يا مشمش ليله امبارح كان نشيط جدا فى الصيد فرد الشبك ورمى الجوبى والنهردة احنا واقفين حنشوف خير ربنا ايه
يعنى هو فين دلوقتى
نزل يستريح متفهم بقا
وفى باطن المركب كان رجب تطن فى اذنه كلمات المعلم خضر: اهتم بثيابك .. يرائحتك
ويتسائل لما لم ينتيه الى انتصاروهى تدير وجهها عنه وتطالبه مرارا ان يتخلص من رائحته..لقد كان يظن ان ذلك تاثير الحمل عليها..والوحم فمنذ ان حملت وهى ترفض ان تأكل الاسماك ودائما ما طالبته باحضار المش والفلفل الحار فكان يستجيب لها عاملا بنصائح الحريم فى العائله خلى بالك يا رجب احسن اينك يطلع ليه قرن فى وشه او تحت عينيه.
كان ينبغى ان يدرك ان رفضها الدائم له ليس له علاقه بالحمل انها تنفر من رائحته وهى بحق فاتنه النساء فى الحى فعيونها سود واسعه رموشها طويله كحيله رسمت حواجبها فى نصف دائرة لا تحتاج الى نامصه لتزيل الزيدات
وشعرها فى سواد الليل البهيمى طويل كثيف الشعر طويل يصل الى اخر ظهرها ينسدل على كتفها العارى امامه فلا يتمالك نفسه من ان يضمها الى احضانه.ليتمتع بجسدها الممشوق وجمال وجنتيها وفمها المرسوم ببداعه الخالق الوهاب
لكنه لايستطيع ان يتعامل مع تلك الانثى الجامحه.فانه يحس انها تؤدى معه واجب العلاقه الزوجيه دون ان تبادله المتعه والنشوة
انها تملك الدلال والدلع وتستطيع ان تستحوذ على قلبه فمهما نسى فلن ينسى لياليه الاولى معها فلكم رقصت له واطارت لبه
وعزفت بجسدها الفاتن منظومه الدلال والحب .كان يحس برحيق شفتيها فى فمه
لكنه لم يفهم كنه هذه المراه فيحافظ على الثروة التى اتيحت له ويبادلها نفس مشاعرها فى الفراش
وغليه النوم وهو يعاهد نفسه ان يبدل احواله ويستعيد منظومه الدفء الى حياته
وكانت الايام تمر والبحر ياتى باصدافه وخيراته الى شباك الصيادين فيسعدهم يوما ويضن عليهم فى يوم اخر
والصياد لا يملك فى جوف البحر الا ان يرفع يديه الى السماء داعيا ربه ان يرزقه من فضله ويزيد من عطائه..وتبحر السفينه الى الاعماق اكثر طلبا للرزق..والبعض يرى الاكتفاء بما اجاد به الرب عليهم وخضر يطالبهم بالصبر اكثر فما زالت الزوادة معهم تكفى لايام قادمه.وكانت انتصار قد استعادت عافيتها فى منزل اسرتها ورات ان لاطائل من الاستمرارفعادت الى مسكنها تعيد ترتيبه وتستعيد مملكتها المفقودة..
بينما لم ينسى سيد ان يمر كل بوم عليها قبل ان يذهب الى قهوة الوردانى يلبى مطالبها ويسامرها قليلا
واحيانا يصحب اخته دولت او امال معه ليؤنسا وحشتها ويشد من عضدها
وكانت امال متبسطه فى كلامها عن اخوتها..تحب ان تتدخل فى الشئون الخاصه
وفى احدى اجتماعات النسوة الثلاث
اسرت امال بخبر مدوى
تصدقى يا بت يا انتصار المعلم خميس عابز يجوز دولت
مين قالك با بت
صح ولا لاء يا دولت
مين قالك يا بت انتى دا كلام بينى وبين سيد محدش لسه عرفه
امال: على مين يا بت هو فى حاجه تستخبى عن اختك
انتصارمقاطعه كلاهما: ونتى ايه رايك دودى
دولت:والله مش عارفه .الموضوع لسه فى اوله
امال: وافقى يا بت ضل راجل ولا ضل حيطه ودا على قلبه فلوس يوزنك بيها
انتصار: بس انا بسمع ان رجله ماشيه فى الحشيش
امال : فيها ايه انتى فكرة ان سيد وخالد اخواتك مش بيشربوا.مش بعيد يكون سيد ماشى مع خميس فى المواصيع ديه
دولت:بعد الشر يا بت تفى من بقك الا يمشى قال.لا لا انا مش حوافق
امال ضاحكه: ضربه فى قلبك مش احسن من عيشتنا اللى عيشنها شوفى من يوم ابوكى ما طلع رحله الصيد كلتى كباب كم مرة.ولا العبايات اللى جتلك والفلوس اللى مسكتيها
انتصار : حاجه تحير يا بت فكرى الاول قبل ما ابوكى يشم خبر
دولت: قومى يا بت اعملينا شاى وخدانا فى دوكه
ومضت السهرة ورحلت الاختين وبقت انتصار تعيد فى فكرها ما قالت الاخوات معها
واسدل الليل استاره على الكون وخيم الظلام الارجاء
وسمع طرق على الياب
افتحى يا ام ياسر افتحى ارجوكى

يتبع







الرجوع الى أعلى الصفحة اذهب الى الأسفل
 
انتصار9
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات هدهد :: 
.::المـمـلكـه الثقافية::.
 :: 

@ إبداعات الأعضاء @

-
انتقل الى: