منتديات هدهد
السلام عليكم ورحمة الله وبركاته
أهلا بكـ زائرنا الكريم
نتمنى لك زيارة طيبة
ونتمنى ان نراك مرة اخرى
لاتحرمنا من التسجيل والمشاركه معنا

منتديات هدهد


 
الرئيسيةالبوابةالتسجيلدخول

شاطر | 
 

 انتصار11

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ashour20008
مشرف قسم
مشرف قسم
avatar

ذكر
المشـاركات : 1323
مـزاجى :
مـهنتى :
هـوايتـي :
الأوسمـة :
تاريخ التسجيل : 02/09/2008
الساعة :

مُساهمةموضوع: انتصار11   السبت يونيو 14, 2014 6:22 pm

ايه اللى جابك هنا؟؟؟
امى امى ودخلت ام ياسر سريعا ..انتى صحيتى يا حبيبتى اطلع بره يا ض مش قلتلك تستنى بره
وخرج ياسر محرجا
اصل ابنك صحى بيعيط خفت يصحيكى ونتى يا حبه عينى لسه نايمه فناديت الواد ياسريشيله لحد ما اغلى لابنك شويه كراويه
وقلت اسيبك ترتاحى شويه
متشكرة قوى بس انا لما فتحت عينى مش متعودة اشوف حد بصراحه ارتعبت
دا لسه عيل يا بنتى ونتى زى اخته
ومضى الليل وانيعث نور الصباح يزيح عتمه الليل وبؤذن بغد جديد
ومضت الساعات الاولى فطرقت ام ياسر باب جارتها ففتحت لها مستفهمه
انتى نسيتى يا بنتى مش اتفقنا نروح المستشفى
بدرى كده
يا دوب قبل الزحمه الكشف بيبدأ على الساعه عشرة واحنا لسه حنروح ونحجز مكان ونقطع التذكرة.ونستنى شويه
بدل ما نروح فى الاخر ويقولوا الدكتور خلص ولا منلقيش دوا اصل يا بنتى المستشفيات الحكويه بيصرفوا الادويه للى عرفينهم او على بعضهم.
طب استنى ارضع العيال واغيرلهم واجى معاكى
وحملت كل امرأه طفلا وسارت الاثنتان يتبادلان الحديث واخبار النسوة فى العمارة
وبالكاد كانت انتصار تعرف اخبار ام ياسر دون سائر النسوة فكان الحديث فى البدايه من طرف واحد
الى ان سألت انتصارهو فين ابو ياسر؟
وبحسرة مريرة اجابتها: الراجل ياختى مش حمل مسئوليه طفشان على طول متعرفيش له قرار حتى نمرة مويابله محدش يعرفها غير اخوه ومنبه عليه ميدهاش لحد
افرضى الله لا يقدر حصل لعيل حاجه
تصدقى ابنه السنه اللى فاتت الواد  احمد ضرب عيل بمطوة وكانت مشكله كبيرة ورحنا القسم بس ابو الواد كتر خيرة اتنازل لما لقانى بعيط صعبت عليه.واحاول ابعت لابوه  يا ختى فص ملح وداب  بس لما يكون ليه غرض
تلافيه بيخبط على الباب
ولما كلمته مينفعشى الوضع كده قالى لو عايزة تطلقى اطلقك براحتك
طب متخدى حريتك منه وتعيشى براحتك
وضحكت ام ياسر انهى حياه تقصدى دا ياسر عدا النهردة العشرين واصغر واحد عندة اربعتاشر تفتكرى بعد طلاقى اروح فين ..ادينى يا بنتى عايشه بربى شويه فراخ وابيعها على شويه سمسرة ودلاله واهى ماشيه وربك مش بينسى حد
طب وولادك؟
ياسر يادوب لسه مطلع الرخصه وشغال على تاكسى خط بورسعيد مصر ومتقدريشى تخدى منه حاجه
ليه دا واجب عليه
يا بننتى محتاج يوفر قرشين الشهر الجى رايح يفرز فى الجيش
والتانى بيقف فى الحميدى وساعات التجارى على فرش مع تجار اتعرف بيهم ويادوب بيوفر سجايره وكل حين يدينى ورقه بمدنه دا لما اضغط عليه بيقولى السوق تعبان وكفايه انى  موفرلكم اكلى بتغدى وتعشى بره
محمد واد بعجبك 16 سنه بس حكايه دخل الميناء وبيقلب عيشه
يعرف رجب جوزى
لا يا بنتى هو مش فى ميناء الصيد دا ميناء البضائع
ربنا يعينك على تربيتهم
الصغبر عايز يكمل تعليمه
ربنا يوفقه
دا مقضبها نوم يوم يروح وعشرة لاء بيقول مدارس الصنايع مفهاش تعليم بيدفع للمدرسين كل شهر واخر السنه ينجحوه
يا بنتى الراجل لما يسيب بيته مستحبل الام تقدر على العيال خصوصا دول شباب
كفايه كده  خدى ابنك ادينا وصلنا اقعدى هنا  لحد ما لقطع التذكرة
ووقفت ام ياسر فى الطابور بينما اخرجت  انتصار موبيلها
الو الو
الو دولت الحقينى يا ختى انا فى المستشفى العام مع العيال
خير فى ايه
بنتى دعاء تعبانه وسخنه من امبارح
عادى يا بنتى العيال زى الخضار متقلقيش وبعدين ليه رحتى مستشفى عام العلاج اى كلام هناك هو انتى مستغنيه عن ولادك
ام ياسر خدتنى معها واتكسفت ارفض الوليه زى العسل وكلها زوء
بصى العصر نروح عيادة خاصه .خلى بالك السخونيه لو قلبت بحمى بتاثر على الطفل وتسيبله عاهه
تفى من بقك ايه الكلام ده
متخفبش قوى كده انشاء الله خير
استنى يا بت الباب بيخبط اشوف مين
وفتحت دولت الباب وهى ممسكه بموبايلها
ايه ده..معقول

يتبع





الرجوع الى أعلى الصفحة اذهب الى الأسفل
 
انتصار11
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات هدهد :: 
.::المـمـلكـه الثقافية::.
 :: 

@ إبداعات الأعضاء @

-
انتقل الى: