منتديات هدهد
السلام عليكم ورحمة الله وبركاته
أهلا بكـ زائرنا الكريم
نتمنى لك زيارة طيبة
ونتمنى ان نراك مرة اخرى
لاتحرمنا من التسجيل والمشاركه معنا

منتديات هدهد


 
الرئيسيةالبوابةالتسجيلدخول

شاطر | 
 

 انتصار14

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ashour20008
مشرف قسم
مشرف قسم
avatar

ذكر
المشـاركات : 1323
مـزاجى :
مـهنتى :
هـوايتـي :
الأوسمـة :
تاريخ التسجيل : 02/09/2008
الساعة :

مُساهمةموضوع: انتصار14   الجمعة يونيو 27, 2014 6:11 pm

فى احدى اركان كافتريا الركن الهادىء جلست هاجر تنتظر قدوم ساميه وقد وضع امامها فنجان قهوة وكانت عيناها خلف نظارتها السوداء تحجب بها عيون المتلصصين الى جسدها ووجهها تتصفحها دون حياء..وكانت نظارتها قد الحقتها بصفحه نهر النيل تراقب المارة على الكورنيش فلم تلمح قدوم ساميه التى وقفت امامها ماده اليها يدها :مدام ساميه
وانتبهت هاجرالى مقدم ضيفتها : اهلا بيكى انا هاجر وجلست ساميه قباله مضيفتها  التى رات من الواجب ان تخلع نظارتها لتكشف عن عيناها الرائعتان.فلم تملك ساميه الا ان نقول ماشاء الله انتى امورة قوى
متشكرة .تشربى ايه حبيبتى قالتها هاجر بعفويه
اى حاجه
لا زى ما تحبى
خليها زجاجه فيروز
اوكى .طبعا انتى عارفه احنا حنكلم فى ايه وعشان نبقى على طبيعتنا اعتبرينى زى اختك الصغيرة
انا قلبى انفتحلك يا مدام هاجر من اول ما شفتك
انا انسه على فكرة
معقول قالتها ساميه باستغراب
كنت بحب شخص واستنيته اربع سنين واكتشفت فى الاخر انى جريت ورا وهم كل همه مال بابا معندوش عواطف حفيفيه كله كان تزيف وخداع سقط من نظرى المهم خلينا فى موضوعنا
ومدت ساميه يدها الى زجاجه الفيروز تصبها فى كأس امامها وهى تقول الموضوع ان اخويا حسين دايما كان على خلاف مع زوجته دولت منها لله مفيش بوم الا وتنكد عليه عيشته ومطالبها لا تنتهى ورغم انه انسان متعلم وحاصل على بكالوريوس تجارة الا ان قله الوظائف فى البلد خليته ينزل يشتغل فى السوق .ادر بعد فترة  يأخد دكان صغير ويتاجر فى ملابس الباله.بس دولت لا بترحم ولا بتسيب رحمه ربنا تنزل كل يوم ليها طلبات مش بتخلص وهو جديد فى السوق
اتجوزها وهو صغير قبل ما يخلص تعليمه    زى ما تقولى كده كانوا بيحبوا بعض.وضغطت عليه عشان بتقدم لاهلها بحجه عريس متقدم ليها.ونجحت انها تتجوزه وكان بابا لسه طالع معاش فحب يفرح بيهم وبارك الجوازة خصوصا ان ابوها المعلم خضر راجل والحق يتقال بتاع ربنا فى اول سنتين مكنشى حد اسعد منهم الكل كان بيحسد حسين ودولت شويه شويه بدأنا نسمع خلفتهم وكانت خلافات عاديه مره هى عايزة تمسك مصروف البيت ومرة تانيه المصروف مش مكفى والاسعار نار وهو يطلب منها تمشى على قد دخله وبلاش تبذيرومش لازم تاكل لحمه الا مرة فى الاسبوع وساعات يتخانقوا على اللبس وتتهمه ان كل لبسهم من الباله ..بمعنى واضح مكنتش راضيه على عيشتها دايما تقوله انا كنت فاكرة انى حجوز موظف ابهه يجبلى كل اللى انا عيزاه.نكدت عليه عيشته وكرهته فى نفسه وكل شويه تقوله مش قد الجواز ليه بتمرمط بنات الناس معاك.وتفكره انها فضلته عن غيره اللى كان حيجيبلها ويجيبلها ويخليها برنسيسه زمانها.وهو يفكرها بالصبر وان بعد العسر يسر وان الناس طبقات فوق بعضهم بس هى كانت نمرودة كل شويه تقوله طلقنى  انا مش عيزاك
وهو يستحمل اهانتها وكلامها الجارح يقول مش عايز ولادى يقولوا انى هدمت البيت فى لحظه طيش.وفضلت حياتهم بصل مفهاش عسل الا لو صدفت ودخل عليها بهديه يادوب كام يوم وترجع ريمه لعادتها القديمه
حياه لاتطاق غضب ربنا كان عليها لحد يوم الحادثه
وقاطعتها هاجر جايز كان ليها علاقه بحد
لا يا بنتى رغم كل العبر اللى تقدرى تقوليها فى دولت الا انها عمرها ما سمحت لراجل يغازلها دى ممكن تخلع اللى فى رجلها وتديله فين ما يوجعك
طب ليه بتعمل كده
دا اللى انا مستغرباله واحده متجوزة انسان طيب بيحبها وعندها ولادها وبيشتغل مش عاجز ليه تكلفه فوق طاقته وكل شويه طلبات تعجيزيه واهانات ويخلوا اللى ما يتفرج على فضايحهم يسمعها
طب ليه ابوها متدخلش
ابوها انسان طيب لا غيار عليه بس محدش بيسمع كلامه واكتر ايامه فى البحر اصله صياد على مركب صغير
وتقدرى تقولى عيشتهم متفرقشى كتير عن عيشه حسين المهم يوم الحادثه فضلت تصرخ زى المجنونه انت مش قادر على طلباتى يبقى طلقنى يا اخى انا بكرهك هو انت جبله مش بتحس
وهو يحاول يتذرع بالصبر والحكمه مفبش فايدة كان معها لحد ما قالها انا رايح ابات عند ابويا واختى
صرخت اختك اللى مخلياك مفلس على طول واخده فلوسك ومخلياك سيبنا على طول انت مش حتمشى من هنا
وراحت جايبه سكينه المطبخ بيلف يشوف حتعمل ايه راحت طعنته ..ستر ربنا الطعنه جت فى الطحال  وعملت نزيف فى الامعاء
طب وايه الاجراءات القانونيه اللى حصلت
حسين لما وقع ولاده اخذوا يصرخوا ونزل الجيران على صوت الصراخ طبعا دولت كانت منهارة ولسه السكينه فى ايديها
طلبوا الشرطه والاسعاف وطلبونا..لما وصلنا عرفنا ان الاسعاف خدت حسين على المستشفى والشرطه قبضت على دولت
متعرفيش حصل ايه بعد كده .لقينا ظابط برتبه كبيرة بيكلم بابا وبيقوله ان دى خناقه بين زوجين وهو حاول يضربها بالسكينه بس هى قدرت تدافع عن نفسها وتاخد منه السكينه وتضربه.وهى كمان مصابه بقطع فى ايديها والشهود حتشهد بكده
وان دولت مستعدة تتنازل عن القضيه لو هما كمان اتنازلوا..وفضلوا يساوموا بابا لحد ما اتنازل مقابل ان بتم علاجه فى مصر ونأخذ الاولاد ونطلق دولت
مين تفتكرى عمل كل ده
والله ما اعرف يا بنتى بس اكيد حد كبير..استنى الموبايل بيرن
الو مين
مش عارفه صوتى انا ابوكى  انتى فين دلوقتى
انا مع..ولم تكمل
انتى مع هاجر مش كده طب ارجعى
واغلق الخط دون ان يكمل
فى ايه قالتها هاجر فى قلق
وردت ساميه : الظاهر فى خطب جليل ومدت يدها بورقه دا عنوانى فى بورسعيد لو حصل حاجه
مضطرة امشى لان بابا صوته مش طبيعى وعرف انى معاكى مع انى مقلتش لحد انى جايه اقابلك
غريبه
يتبع







الرجوع الى أعلى الصفحة اذهب الى الأسفل
 
انتصار14
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات هدهد :: 
.::المـمـلكـه الثقافية::.
 :: 

@ إبداعات الأعضاء @

-
انتقل الى: