منتديات هدهد
السلام عليكم ورحمة الله وبركاته
أهلا بكـ زائرنا الكريم
نتمنى لك زيارة طيبة
ونتمنى ان نراك مرة اخرى
لاتحرمنا من التسجيل والمشاركه معنا

منتديات هدهد


 
الرئيسيةالبوابةالتسجيلدخول

شاطر | 
 

 انتصار22

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ashour20008
مشرف قسم
مشرف قسم
avatar

ذكر
المشـاركات : 1323
مـزاجى :
مـهنتى :
هـوايتـي :
الأوسمـة :
تاريخ التسجيل : 02/09/2008
الساعة :

مُساهمةموضوع: انتصار22   الجمعة فبراير 27, 2015 6:13 am

تتجوزنى....وخيم الصمت للحظات
وانسحبت ساميه لتترك الحديث  لاصحابه فلقد وقعت كلمات هاجر فى قلبها واحست برياح هادئه تهب عليهم تحمل عطرا لم تألفه فى حياتها من فيل وخرجت من المكتب تجرى الى المنزل لم تتحمل ان يظل قلبها يحمل تلك الاخبار تريد ان تزف الخبر وتنافشه مع ابيها..مع صديق حياتها مع الخل الودود الذى علمها الصدق مع نفسها..دخلت البيت مسرعه لحجرة ابيها تطرقها فى عجل..
بابا عندى ليك خير بمليون جنيه
اكيد حسين وافق على جوازك من فياض والله كنت خايف يعترض او يرفض
اكثر من كده بكتير .حاجه صعب تخمنها او نستنتجها
شوقتينى يا سمسم اكيد الخبر حلو وشك بيقول كده
ابوه يا بابا تصدق هاجر عرضت على حسين الجواز
وشرد الاب وخيم الصمت عليهما حتى باتت الانفاس تحتسب فى نلك اللحظات البطيئه..لتوقظه ساميه من لحظات الفكر الغائب
فى ايه ..انت خايف من جوازهم
لازم اخاف احنا مش قد شاكر بيه وبنته ..تفتكرى فى واحد فى مركز ابوها يوافق باخوكى دا لوعرف او رفض ودا حقه ممكن يشردنا ابسط شىء يعمله يبعد البنزين عن النار..
بابا بلاش نظرة التشاؤم لاييأس من روح الله الا القوم الكافرون....وتاكد ان بعد العسر يسر واحنا مرينا يظروف صعبه كتيرة وربنا عمره ما يسيبنا دا اقرب لينا من حبل الوريد..الجواز عمره ما كان غلط.انت لو شفت هاجر النهردة عيونها كلها بتقول لحسين بحبك..ومن بوم ما وصلنا دبى انت شايف بتعمله ازاى..ومكنشى مديها فرصه تشرح عواطفها نحوه..
فيها ايه لما نعيش انا وحسين حياتنا من تانى..ننسى الايام الصعيه والضنك اللى شفناه.ونستمتع يالحياه
ولا لازم نفضل عايشين فى البؤس نبكى على اللبن المسفوح
ربنا يسعدك يا بنتى..انا مقدرشى اتمنى ليكم الا الخير  وربنا يعوضكم عن ايام الضنك والهوان بايام سعادة وخير
بس الحكايه انا شايف هاجر بنت مدخلتش دنيا ازاى تجوز اب لولدين ومركزه الاجتماعى اقل بكتير منها صعب ابوها يوافق
خايف من توابع الجوازة ديه


ارمى حملك على الله يا حاج واعقلها وتوكل كلنا ولاد تسعه
ونعمه بالله يا بنتى
.......................
وهناك داخل المكتب جلست هاجر قباله حسين ترمقه بنظرات مشجعه وتحثه على الكلام فى محاوله دؤب منها لاستخلاص موافقته على الزواج منها
كانت عينيى حسين قد هربت من هاجر وارتكزت ما بين الارض تارة والى الحائط تارة اخرى
واستجمع شجاعته: مقدرشى اوافق على عرضك الكريم
حسين دا مش عرض بعرضه عليك من باب الكرم انا بحبك..بحبك عارف قد ايه بحبك.انت صحيت جواى مشاعر غابت سنين عنى حسيت انى بنت ستاشر البنت اللى يتلبس فيوتكه وبتحلم بفارس على حصان ابيض
عرفت معاك ان الحياه مش مادة وفلوس بنجرى وراها..شفت حاجات الخير اللى بتعملها والبيوت اللى مفتوحه بمساهماتك الماديه..انا عارفه كل صغيرة وكبيرة بتعملها.حبى مش وليد عاطفه ولحظه عايرة .بجد بحبك بحبك قوى.النهردة عديت الثلاثين واكيد انت فاكر انى حكيتلك تجربتى الفاشله فى الخطوبه وازاى حسيت انه كل همه ثروة بابا..
حسين انا عايزة راجل احس بالامان معاه.مش اكون زكيبه فلوس ليه
هاجر ارجوكى لازم تفهمى تجربتك غير تجربتى.انا معاى ولدين والمشاكل بتطاردنى.محبش اجرك ليها كفايه اللى عملتيه معاى انتى ومنير بيه.محبش ولادى كمان يحسوا بالفواصل اللى بينا لو وافقت.
حسين ارجوك انت بتجرح مشاعرى واحاسيسى انا مفكرتش فيكى بقلبى بس .انا قرارى نايع من جواى من عقلى وجوارحى وكيانى..كل مشاكلك هى مشاكلى حياتك هى حياتى.افهم بقا انا بحبك مش بقولها كلمه مراهقه قلبها بيدق فى لحظه..دا قرار نايع من بوم ما عرفتك.متفتكرشى ان ولادك مش فى بالى وانا باتخذ القرار..اللى بيحب حد بيحب كل اللى حوليه
وانا بحبك
هاجر افهمينى بكره حتلاقى احسن منى ..شاب يقدرك وبصونك ويخاف عليكى.معندهوش مسئوليات ولا حولينه مشاكل
ويكون من مستواكى
افهم من كده انك بترفضنى
هاجر بلاش تخديها بالصورة ديه خلينا اصدقاء نخاف على بعض ونحترم بعض
ماشى يااستاذ حسين تقدر تتفضل دلوقتى
وحينما استدار حسين ليغلق باب حجرة المكتب انساق بحر الدموع من مقلتى هاجر
واخرجت جوالها: بابا حسين رفض..كان صوتها متحشرجا متقطعا تخنقها دموعها..
بيقولى خلينا اصدقاااااااااااااااء يااااااااااااااايا
وسقط الجوال من يدها

يتبع





عدل سابقا من قبل ashour20008 في الإثنين مارس 23, 2015 6:34 pm عدل 1 مرات
الرجوع الى أعلى الصفحة اذهب الى الأسفل
حنا
هدهد سوبر
هدهد سوبر
avatar

انثى
المشـاركات : 278
مـزاجى :
بـلدى :
مـهنتى :
هـوايتـي :
تاريخ التسجيل : 26/07/2009
الساعة :

مُساهمةموضوع: رد: انتصار22   الإثنين مارس 02, 2015 11:00 am

هاجر افهمينى بكره حتلاقى احسن منى ..شاب يقدرك وبصونك وبخاف عليكى.معندهوش مسئوبيات ولا حولينه مشاكل
ويكون من مستواكى
حسين انسان بيحترم حاله كتيييييييييييييير  وكويس انه عمل كده مع ان هاجر صعبان عليا 
شكرا الحلقه جميله جدا
الرجوع الى أعلى الصفحة اذهب الى الأسفل
ashour20008
مشرف قسم
مشرف قسم
avatar

ذكر
المشـاركات : 1323
مـزاجى :
مـهنتى :
هـوايتـي :
الأوسمـة :
تاريخ التسجيل : 02/09/2008
الساعة :

مُساهمةموضوع: رد: انتصار22   الإثنين مارس 02, 2015 6:11 pm

حتلاقى اختلاف فى اسلوب حب هاجر وحب انتصار باختلاف البيئه..بس لجد زعلان على حال المنتدى الكل هجره حتى الهدهد



الرجوع الى أعلى الصفحة اذهب الى الأسفل
 
انتصار22
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات هدهد :: 
.::المـمـلكـه الثقافية::.
 :: 

@ إبداعات الأعضاء @

-
انتقل الى: