منتديات هدهد
السلام عليكم ورحمة الله وبركاته
أهلا بكـ زائرنا الكريم
نتمنى لك زيارة طيبة
ونتمنى ان نراك مرة اخرى
لاتحرمنا من التسجيل والمشاركه معنا

منتديات هدهد


 
الرئيسيةالبوابةالتسجيلدخول

شاطر | 
 

 انتصار38 الحلقه الاخبرة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ashour20008
مشرف قسم
مشرف قسم
avatar

ذكر
المشـاركات : 1323
مـزاجى :
مـهنتى :
هـوايتـي :
الأوسمـة :
تاريخ التسجيل : 02/09/2008
الساعة :

مُساهمةموضوع: انتصار38 الحلقه الاخبرة   الأربعاء مارس 18, 2015 4:48 am

عدلى ياشا ارتبط اسمه بشبكه مافيا عالميه لتجارة الهرويين وكان الموضوع فى اوساط الصحافه معروف وبين لحظه والتنيه توقعنا القبض عليه لكن بقدرة قادر اثبت برائته وخرج زى الشعرة من العجين ومسك جهاز امن الدوله واطاح بخصومه بحجه تجديد الدماء وكان واضح ان فى ايد خفيه قدرت تخبى البودرة وتهرب بيها من البحر وتدخل الشعب المرجانيه فى دهب طبعا مسافه كبيرة ازاى وصلت هناك ولا استخبى ازاى ..الغواصبن فشلوا فى معرفه ده ودى كانت ضربه خلت عدلى بتخلص تدريجيا منهم ويبهدلهم ومحدش كان بيسمع الا ليه لوحده  
تقصدى ان ولاد خضر ليهم علاقه بالموضوع
دا اكيد احنا من فترة بندور ايه علاقه عصام بسيد وخالد..دلوقتى ظهور عدلى فى الصورة بيريط الموضوع وبيحط النقط فوق الحروف وقريب لازم يجى دوره
كل دا وانا معرفشى
كنت حتعرف ايه عدلى شخصيه مش سهله واول مرة يغلط غلطه مكشوفه.....
.....................................
وفى منزل دولت التقت الاخوات الثلاث متعاتبات
كده يا انتصارولد ما يساويش تلاته ابيض يضحك عليكى ويخرب بيتك
وردت امال: كل شىء قسمه ونصيب ...اصلك متعرفيش ياسر
ياسر مين يا بت منك ليها اللى اعرفه..عشان شويه الريحه وسبسبه الشعر اجرى وراه دا صايع ودينى لاوريه نسوان الحاج خضر رجاله ازاى
وصاحت انتصار فى انفعال:انتى جيبانى يا امال اتهزأ  هنا ولا ايه
وردت دولت:وانتى مالك بيه مش قلنا حتصرفى نظر عته
وببجاحه الانثى المتمرة: قلت لمين انشاء الله..دا جوزى على سنه الله ورسوله
بتقولى ايه يا بت انتى
ونظرت انتصار لامال: ماتقوليلها حاجه انتى مش حضرتى مع محسن وشهدتم على العقد
وردت دولت: امال انتى مش فهمتينى انها بعدت عنه
وتلعثمت امال:انا معرفشى حاجه حبيت اصلح بينكم وانتصار قلتلى دولت مش لازم تعرف
يخرب بيتك خربتى الدنيا يارب الحق الموضوع
واخرجت موبايلها تحاول الاتصال باخيها 
....................


بينما كانت السيارة التى يقودها ياسر فى طريقها الى مصر صاح الراكب الى جواره احنا نقصين عطله
فرد من خلفه حصل حاجه
بص قدامك يا سيدى نقطه تفتيش.
اوووف دول مش حيخلصونا فى سنتنا
وكانت حبيبات العرق تتساقط من ياسر وهو يدنو من اللجنه: بسرعه يا جماعه كل واحد يطلع اثبات شخصيته
واقترب امين الشرطه يتفحص اوراق الركاب
ومن الخلف اقترب ضابط يتبعه اخر : استنى يا هانى
ممكن يا اسطى تنزل تفتحلنا شنطه العربيه
ورد ياسر: فى ايه اشمعنى انا اللى افتح الشنطه ما كل العربيات قدامى محدش فتح
وبلهجه الامر : حتفتح ولا لاء
ورد راكب خلينا نمشى افتحها وخلاص
كل واحد ينزل شنطه يا جماعه ودنا كلب يتشمم الشنط وتركها الى السيارة يلف حولها ويدنو منها ومالبس ان علا صوته بالنباح....ونادى الضابط احد الجنود: افتح الاستبن ده
وصاح ياسر ازاى امشى من غير الاحتياطى
لكن كان الجندى قد دس سلاحه بجلد الفردة يمزقها اشلاء
وصرخ ياسر:معرفش حاجه الحشيش ده ميخصنيش
نعم يا روح امك..واشار للجنود امسكوه وهو يكمل الكلام ده اقوله فى النيابه
واشار للركاب : كل واحد يسيب بيان اقامته اظن انتم شايفين الحشيش كان فين
ورد راكب واحنا ملنا
ممكن يتم استدعائكم للشهادة من قبل النيابه خلينا نطهر البلد من الاوساخ دبه
ورد راكب اخر ربنا ينصركم ياريت على الضباط زيك
..................
وبينما كان سيد يتصل بدولت كانت هى الاخرى تعاود الاتصال به
الو دولت انتى فين يا شيخه..الواد وقع النهردة..فيها تابيده..حكوره قدر يخدعه ويخليه ينقل الحشيش
يتقول ايه..انت عارف ياسر عمل ايه ..اجوز انتصار من ورانا
واقتربت انتصار وامال من دولت فى ايه
ياسر مسكوه بيهرب حشيش
وصرخت انتصار جوزى
وتهاوت امال وهى تهمس لدولت اللى فى بطنى ابنه
وغلف الصمت على النسوة الثلاث دون حراك..تقابلت الاوجه وهن جالسات منهارات على المقاعد
اترى كانتع داله السماء ترسل وعيدها لكل ظالم ..بان الله ليس يغافل عما يعملون وان الوقت متاح ليتراجع الباقون عما يفعلون عسى ان يعتبرون بنهايه كل من يفسد فى البلاد..ام ان الغرور يتحكم فى غيهم فلا ينتبهون
 تمت






ترى ما الضى يحدث لعدلى وعصام وماذا تفعل انتصار 


انتظرونى فى رحله انتصار الجديدة بالجزء الثانى





عدل سابقا من قبل ashour20008 في الأحد مارس 29, 2015 5:22 pm عدل 2 مرات
الرجوع الى أعلى الصفحة اذهب الى الأسفل
حنا
هدهد سوبر
هدهد سوبر
avatar

انثى
المشـاركات : 278
مـزاجى :
بـلدى :
مـهنتى :
هـوايتـي :
تاريخ التسجيل : 26/07/2009
الساعة :

مُساهمةموضوع: رد: انتصار38 الحلقه الاخبرة   الأربعاء مارس 18, 2015 3:55 pm

النهايه جميله جدا وتسلم كتباتك الرائعه 
نرجو المزيد من كتباتك  برافـووو برافـووو برافـووو برافـووو ان شاء الله تكمل الجزء الثانى  على خير
الرجوع الى أعلى الصفحة اذهب الى الأسفل
 
انتصار38 الحلقه الاخبرة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات هدهد :: 
.::المـمـلكـه الثقافية::.
 :: 

@ إبداعات الأعضاء @

-
انتقل الى: